الحب له عنـدي مكانـه عظيمـه
وانتي مكانك فوق يااجمـل النـاس
|
غـلاه عنـدي مايـقـدر بقيـمـه
يالـي هواهـا مايقـدر بالالمـاس
|
انتي على ثغـرك تباشيـر غيمـه
اروي عروقٍ من جفى الوقت يباس
|
يقولهـا قلـبٍ يـنـادي نديـمـه
جاوب صدى صوتٍ يناديك باحساس
|
لك مقدريه من وفا والـف شيمـه
محلك بقلبي وقدرك علـى الـراس
|
انتي هنـا بيـن الحنايـا مقيمـه
لاماتزعزع من غلاها على سـاس
|
هلّى غيومـك وامطرينـي بديمـه
وارويك باشعارٍ على كـل قرطـاس
|
ترى الجفـا للقلـب اكبـر ظليمـه
ماعاد باقي في يدي غير هالكـاس
|
هو اخـر الباقـي وراس الغنيمـه
فز الفؤاد / وللهوى رنـة اجـراس
|
خالد
